Halakhak at hiyawan ang pumuno sa Pamantasang Normal ng Pilipinas Visayas sa iginanap na PANAGHIUSA (INITIATION DAY), na may temang, “Celebrating Solidarity and Togetherness Through Filipino Culture and Tradition” na pinangunahan ng Philippine Normal University Visayas Student Government (PNUVSG), noong Sityembre 11, 2024.

Ito ay naglalayong pagtibayin at palakasin ang samahan ng mga mag-aaral at ipagdiwang ang malugod na pagtanggap sa mga nasa ikaunang taon o freshmen sa pamantasan.

“𝑫𝒊𝒇𝒇𝒆𝒓𝒆𝒏𝒕 𝑷𝒓𝒐𝒈𝒓𝒂𝒎-𝑩𝒂𝒔𝒆𝒅 𝑶𝒓𝒈𝒂𝒏𝒊𝒛𝒂𝒕𝒊𝒐𝒏𝒔 𝒂𝒏𝒅 𝑰𝒏𝒕𝒆𝒓𝒆𝒔𝒕 𝑪𝒍𝒖𝒃𝒔 𝒂𝒔 𝒘𝒆𝒍𝒍 𝒑𝒓𝒆𝒑𝒂𝒓𝒆𝒅 𝒈𝒓𝒂𝒏𝒅 𝒄𝒉𝒂𝒍𝒍𝒆𝒏𝒈𝒆𝒔 𝒕𝒉𝒂𝒕 𝒚𝒐𝒖 𝒄𝒂𝒏 𝒐𝒏𝒍𝒚 𝒃𝒆 𝒔𝒖𝒓𝒑𝒂𝒔𝒔𝒆𝒅 𝒃𝒚 𝒘𝒐𝒓𝒌𝒊𝒏𝒈 𝒂𝒔 𝒂 𝒕𝒆𝒂𝒎 𝒂𝒏𝒅 𝒃𝒚 𝒄𝒐𝒐𝒑𝒆𝒓𝒂𝒕𝒊𝒏𝒈 𝒘𝒊𝒕𝒉 𝒐𝒏𝒆 𝒂𝒏𝒐𝒕𝒉𝒆𝒓. 𝑰 𝒉𝒐𝒑𝒆 [𝒕𝒉𝒂𝒕] 𝒕𝒉𝒓𝒐𝒖𝒈𝒉 𝒕𝒉𝒊𝒔 𝒆𝒗𝒆𝒏𝒕, 𝒄𝒂𝒎𝒂𝒓𝒂𝒅𝒆𝒓𝒊𝒆 𝒂𝒏𝒅 𝒔𝒆𝒏𝒔𝒆 𝒐𝒇 𝒄𝒐𝒎𝒎𝒖𝒏𝒊𝒕𝒚 𝒘𝒊𝒍𝒍 𝒃𝒆 𝒂𝒄𝒉𝒊𝒆𝒗𝒆𝒅,” saad ni Dr. Ma. May Flor V. Sentina, Coordinator of Student Development Services sa kaniyang pambungad na mensahe.

Isang mahalagang bahagi rin ng kaganapan ang pagkilala sa Accredited at Re-accredited PBOS at ICS. Binigyan ng pagkakataon ang bawat pangulo na ipakilala ang kanilang mga organisayon na nagpapalakas ng diwa ng pagmamalaki at pagkakaugnay sa kanilang mga miyembro at sa mga magiging kasapi nito.

Ang kasiyahan ay nagpatuloy sa pamamagitan ng isang matinding kompetisyon sa yells, kung saan nagpakitang gilas ang mga first-year councils. Ang OV1-2 ang hinirang na panalo na sinundan naman ng isang kapana-panabik na Amazing Race na sumubok sa kakayahan ng mga PNUans, na pinanaluhan ng OV1-4.

Isa ring tampok ng araw ang “Tanghalian sa Nayon,” kung saan ang mga estudyante ay naghanda ng isang piging at nagsalo-salo sa kanilang ibinahaging mga tradisyonal na pagkaing Pilipino na nagpapalaganap ng pagmamahal at pagtangkilik sa kulturang Pinoy.

Sa hapon, inirampa ng mga kalahok ang kani-kanilang mga magagarbong kasuotang Pinoy na sumasalamin sa mayamang kultura ng Pilipinas, mula sa tradisyunal na barong tagalog, Filipiñana, hanggang sa mga eleganteng saya at ternong bihis. Hinirang na “Face of the Day” si Irene Rubio, “Head Turner” naman si Vhon Andrei Adraneda at ang sumungkit ng “Best in Attire” ay si Justin Cena.

Nagpakitang gilas din ang mga freshies sa Laro ng Lahi, na nagtampok ng mga klasikal na laro tulad ng Japanese walk, jumping rope, kadang-kadang, Chinese garter, at sack race. Ang kasiyahan ay umabot sa rurok habang ang mga koponan ay naglalaban para sa mga parangal. At sa huli, hinirang bilang Overall Champion ang pangkat ng OVI-2.

Ang seremonya ng panumumpa para sa mga Accredited at Re-accredited PBOs at ICS ay pinangunahan ni Dr. Ralger D. Jocson Jr. , Executive Director at Provost ng nasabing pamantasan. Kasunod nito ay ang kapana-panabik na anunsyo ng mga nanalo sa Yells, Amazing Race, Laro ng Lahi, at Signature Hunt na nagdagdag sa kasiyahan ng programa.

Ang pangwakas na pananalita ni Hon. Leonel Baulita, PNUVSG President, ay nagbigay-diin din sa tagumpay ng kaganapan na nagsasalamin sa pagsisikap ng mga anak ni Inang Pamantasan at sa pagdiriwang ng espiritu at tradisyon ng mga Pilipino.

“𝑯𝒖𝒘𝒂𝒈 𝒌𝒂𝒚𝒐𝒏𝒈 𝒎𝒂𝒕𝒂𝒌𝒐𝒕 𝒏𝒂 𝒎𝒂𝒈𝒔𝒊𝒎𝒖𝒍𝒂 𝒏𝒈 𝒎𝒈𝒂 𝒃𝒂𝒈𝒐𝒏𝒈 𝒑𝒂𝒈𝒍𝒂𝒍𝒂𝒌𝒃𝒂𝒚 𝒂𝒕 𝒎𝒂𝒈𝒃𝒊𝒈𝒂𝒚 𝒏𝒈 𝒊𝒏𝒚𝒐𝒏𝒈 𝒎𝒂𝒌𝒂𝒌𝒂𝒚𝒂 𝒖𝒑𝒂𝒏𝒈 𝒎𝒂𝒈𝒕𝒂𝒈𝒖𝒎𝒑𝒂𝒚 𝒉𝒊𝒏𝒅𝒊 𝒍𝒂𝒎𝒂𝒏𝒈 𝒔𝒂 𝒊𝒏𝒚𝒐𝒏𝒈 𝒑𝒆𝒓𝒔𝒐𝒏𝒂𝒍 𝒏𝒂 𝒍𝒂𝒚𝒖𝒏𝒊𝒏 𝒌𝒖𝒏𝒅𝒊 𝒑𝒂𝒓𝒂 𝒔𝒂 𝒌𝒂𝒑𝒂𝒌𝒂𝒏𝒂𝒏 𝒏𝒈 𝒃𝒂𝒘𝒂𝒕 𝒊𝒔𝒂 𝒔𝒂 𝒂𝒕𝒊𝒏𝒈 𝒌𝒐𝒎𝒖𝒏𝒊𝒅𝒂𝒅. 𝑨𝒏𝒈 𝒊𝒏𝒚𝒐𝒏𝒈 𝒎𝒈𝒂 𝒑𝒂𝒏𝒈𝒂𝒓𝒂𝒑 𝒂𝒕 𝒑𝒂𝒈𝒔𝒊𝒔𝒊𝒌𝒂𝒑 𝒂𝒚 𝒃𝒂𝒉𝒂𝒈𝒊 𝒏𝒈 𝒎𝒂𝒔 𝒎𝒂𝒍𝒂𝒌𝒊𝒏𝒈 𝒑𝒂𝒏𝒈𝒂𝒓𝒂𝒑 𝒑𝒂𝒓𝒂 𝒌𝒂𝒚 𝑰𝒏𝒂𝒏𝒈 𝒑𝒂𝒎𝒂𝒏𝒕𝒂𝒔𝒂𝒏, 𝒑𝒂𝒓𝒂 𝒔𝒂 𝒌𝒂𝒏𝒚𝒂𝒏𝒈 𝒎𝒈𝒂 𝒂𝒏𝒂𝒌 𝒂𝒕 𝒑𝒂𝒓𝒂 𝒔𝒂 𝒃𝒂𝒚𝒂𝒏.”

Ang Initiation Day ay hindi lamang isang simpleng pagdiriwang, kundi isang patunay ng pagkakaisa at pagmamalaki sa kultura ng bansa na tinatangkilik sa Inang Pamantasan.

𝑰𝒔𝒊𝒏𝒖𝒍𝒂𝒕 𝑵𝒊 𝑹𝒂𝒇𝒂𝒆𝒍 𝑫𝒂𝒘𝒂
𝑴𝒈𝒂 𝑳𝒂𝒓𝒂𝒘𝒂𝒏 𝑵𝒊𝒏𝒂 𝑨𝒅𝒂 𝑨𝒈𝒅𝒖𝒎𝒂, 𝑬𝒍𝒔𝒊𝒆 𝑫𝒊𝒗𝒊𝒏𝒂𝒈𝒓𝒂𝒄𝒊𝒂, 𝑰𝒓𝒋𝒂𝒏𝒆 𝑬𝒖𝒏𝒊𝒄𝒆 𝑨𝒏𝒅𝒊𝒄𝒐, 𝑹𝒖𝒕𝒉 𝑴𝒆𝒔𝒉𝒂 𝑰𝒏𝒕𝒊𝒄𝒐, 𝑺𝒉𝒆𝒓𝒘𝒊𝒏 𝑱𝒂𝒅𝒆 𝑺𝒂𝒍𝒆𝒎, 𝒂𝒕 𝑮𝒂𝒓𝒏𝒆𝒕𝒉 𝑮𝒓𝒂𝒏𝒂𝒅𝒂